Sllovenia ka konfirmuar rastin e parë me variantin e koronavirusit që është zbuluar në Indi, raporton agjencia sllovene e lajmeve “STA”.

Raportohet se varianti indian i koronavirusit në Slloveni është zbuluar te një mostër e marrë më 20 prill.

Varianti B.1.617, që së pari është paraqitur në Indi në tetor, është zbuluar në 44 shtete.

Pas Indisë, më së shumti raste të këtij varianti gjenden në Britani të Madhe.