Macron: Myslimanët janë viktima të terrorizmit, shteti t'u sigurojë liri e barazi

Macron: Myslimanët janë viktima të terrorizmit, shteti t'u sigurojë liri e barazi

21 June 2017 14:54

Këshilli Islamik i Francës (CFCM) dje organizoi një iftar tradicional në Paris ku morën pjesë numër i madh i politikanëve dhe zyrtarëve francezë, në mesin e tyre edhe presidenti i vendit, Emmanuel Macron dhe ministri i Brendshëm, Gerard Collomb.

Macron mori pjesë si president në iftar të CFCM-së. Presidenti i fundit që kishte marrë pjesë në iftar ishte Nicolas Sarkozy para saktësisht një dekade.

Në iftarin në Paris morën pjesë udhëheqësit fetarë në Francë, si dhe përfaqësues të misioneve diplomatike të shumë vendeve.

Në fjalimin tij para të pranishmeve, presidenti francez Macron theksoi se Islami dhe myslimanët janë gjithashtu viktima të terrorizmit, i cili dëshiron të shkaktojë plagë të thella në marrëdhëniet ndërmjet myslimanëve dhe pjesëtarëve të grupeve të tjera fetare, transmeton AA. Ai shtoi se CFCM jep përgjigje të mirë duke promovuar unitet dhe solidaritetin, ndërsa iftarin në qendër të Parisit e vlerësoi si shembull të shkëlqyer të kësaj.

“Në Francë nuk ekziston diç si myslimanët në njërën anë, kurse francezët në anë tjetër, por janë një, të lirë dhe të barabartë. Myslimanët kanë të drejtë për të jetuar të lirë dhe të praktikojnë obligimet e tyre fetare. Institucionet franceze janë të detyruar t'ua mundësojnë këtë gjë”, ka thënë Macron.

Ndërkaq, presidenti i CFCM-së, Anouar Kbibech, falënderoi presidentin Macron dhe zyrtarët për pranimin e ftesës, duke theksuar se myslimanët dënojnë fuqimisht terrorizmin dhe se sulmet terroriste nuk kanë të bëjnë asgjë me ndonjë fe apo vlera.

Komentet

Shto koment

Të ngjashme