Botë

Trashëgimia më e madhe e “Sputnik V” – trazimet

Trashëgimia më e madhe e “Sputnik V” – trazimet

Në vendet e Evropës Lindore, të cilat kanë siguruar deri më tani vaksinën ruse kundër koronavirusit, destabiliteti ka pasuar

 

Në vendet e Evropës Lindore, të cilat kanë siguruar deri më tani vaksinën ruse kundër koronavirusit, destabiliteti ka pasuar

Duke pasur parasysh performancën skajshmërisht të dobët të Bashkimit Evropian në shpërndarjen e vaksinave kundër COVID-19 dhe komunikimet e saj të vazhdueshme që e minuan besimin në dozat e “AstraZenecas”, është fare e lehtë të kuptohet pse qeveritë kombëtare të bllokut i kanë marrë punët në duart e veta.

Kryeministri hungarez, Viktor Orban, e ka çuar vetëvarshmërinë deri në ekstreme. Në janar, bukur kohë para se vaksinat të ishin gati për shpërndarje, ky burrështetas arriti marrëveshje për sigurimin e 2 milionë dozave të vaksinës ruse “Sputnik V” dhe 5 milionë dozave të asaj të Kinës “Sinopharm”, duke i anashkaluar si procedurat e prokurimit të Komisionit Evropian, ashtu edhe ato të miratimit të Agjencisë Evropiane për Barna (EMA). Me 4.2 milionë dozat e administruara, revista politike amerikane “Foreign Policy” ka shkruar se vendi prej 9.7 milionë banorësh ka vaksinuar më shumë qytetarë sesa akëcili vend tjetër anëtar i BE-së.