Botë

E goditur nga mungesa e vaksinave, BE-ja kthen sytë kah India për furnizime

E goditur nga mungesa e vaksinave, BE-ja kthen sytë kah India për furnizime

Bashkimi Evropian i ka kërkuar Indisë që t’ia lejojë blerjen e 10 milionë dozave të vaksinës kundër COVID-19 të kompanisë “AstraZeneca” nga Instituti indian i Serumeve, në një shenjë të presionit të shtuar mbi Delhin për shpërndarjen drejt shteteve të tjera të sasive më të shumta të vaksinave që prodhohen në vend.

 

Bashkimi Evropian i ka kërkuar Indisë që t’ia lejojë blerjen e 10 milionë dozave të vaksinës kundër COVID-19 të kompanisë “AstraZeneca” nga Instituti indian i Serumeve, në një shenjë të presionit të shtuar mbi Delhin për shpërndarjen drejt shteteve të tjera të sasive më të shumta të vaksinave që prodhohen në vend.

BE-ja synon që me dozat nga Instituti i Serumeve, i cili njëherësh është prodhuesi më i madh në botë i vaksinave, të mbulohet mungesa e theksueshme në dërgesa nga fabrikat evropiane të “AstraZenecas” dhe të përshpejtohet procesi i vaksinimit përbrenda bllokut, ka thënë zyrtari i lartë në Bruksel, duke folur për agjencinë e lajmeve Reuters.