1 perditesime
Botë

Tetë persona lëndohen pas një sulmi në Suedi, sulmuesi më pas qëllohet e arrestohet nga Policia

Tetë persona lëndohen pas një sulmi në Suedi, sulmuesi më pas qëllohet e arrestohet nga Policia
Foto: AP
22:41

Tetë persona lëndohen pas një sulmi në Suedi, sulmuesi më pas qëllohet e arrestohet nga Policia

Stockholm, 3 mars (AP) – Një person i armatosur me një sëpatë ka sulmuar dhe lënduar tetë persona në një qytet jugor në Suedi sot, para se të qëllohej dhe arrestohej nga Policia.

Kryeministri i Suedisë, Stefan Lofven, ka thënë se po hetohet për mundësinë e motiveve të terrorizimit prapa këtij sulmi.

“Pas asaj që ndodhi Policia ësahtë duke hetuar, prokurorët kanë iniciuar hetimet preeliminare për krime terroriste”, ka thënë Lofven.

Pak pas deklaratës së tij, hetuesit e Policisë kanë thënë se kanë nisur hetimet preeliminare për tentimi vrasjet, me detaje “që na bëjnë të hetojmë për çdo motiv terrorizmi”.

“Për momentin nuk mund të futemi në detaje”, ka thënë shefja e Policisë rajonale suedeze, Malena Grann.

Policia ka thënë se personi në të 20-tat kishte sulmuar njerëzit në qytetin e vogël Vetlanda, rreth 190 kilometra në juglindje të Goteborgut, qytetit të dytë më të madh në Suedi. Motivet e tij për këtë sulm nuk janë të ditura.

Ai është qëlluar nga Policia, që nuk ka treguar për gjendjen shëndetësore të personave që janë sulmuar e po ashtu edhe të sulmuesit.

Zyrtarët nuk kanë treguar identitetin e të dyshuarit, që është dërguar në Spital.

Shefi i Policisë lokale, Jonas Lindell, ka thënë se duket se lëndimet nuk janë të rrezikshme për jetë, por nuk ka dhënë detaje.

Policia ka thënë se janë pesë skena të krimit në sulmin që ndodhi rreth orës 15:00 në qytetin me rreth 13 mijë banorë.

Kryeministri i Suedisë, Lofven, e ka quajtur këtë akt të tmerrshëm dhe ka thënë se Agjencia për Siguri Nacionale në Suedi (SAPO) po ashtu është duke punuar në lidhje me rastin.

21:28

Të paktën 8 të lënduar nga sulmi i dyshuar terrorist në Suedi

Policia suedeze ka bërë të ditur se një person ka lënë të lënduar të paktën tetë persona në një qytet në jug të vendit dhe se rasti është duke u hetuar si “krim i dyshuar terrorist”. Sipas policisë, një burrë në të 20-tat ka sulmuar qytetarët në Vetlanda, në juglindje të qytetit të dytë më të madh suedez, Goteborg.

Sulmuesi është qëlluar nga policia, porse nuk ka të dhëna mbi gjendjen e sulmuesit dhe të sulmuarve. Mediat suedeze kanë raportuar se sulmi ka ndodhur me sëpatë. Kryeministri suedez, Stefan Lofven, ka dënuar sulmin, duke e quajtur “akt të tmerrshëm”, ndërsa ka bërë të ditur se agjencia e brendshme suedeze e sigurisë është duke e hetuar rastin.