Sot bëhen 26 vjet nga nënshkrimi i Marrëveshjes së Paqes për Bosnjë dhe Hercegovinë, njohur si Marrëveshja e Daytonit.
Marrëveshja u nënshkrua në bazën ushtarake amerikane “Wright Peterson” në Ohio, më 21 nëntor 1995.
Një nga parimet kryesore të kësaj marrëveshje ishte ndarja e Bosnjës në 51 për qind në territorin e Federatës së BiH-së dhe 49 për qind në Republikën Serbe.
Nënshkruesit u zotuan për të rregulluar marrëdhëniet e ndërsjella sipas Kartës së Kombeve të Bashkuara, Aktin Final të Helsinkit dhe dokumentet e tjera të OSBE-së, si dhe respekt reciprok për sovranitetin dhe zgjidhjen e kontesteve në mënyrë paqësore.
Ky dokument mundësoi që t’i jepet fund luftës disa vjeçare, ku kishin humbur jetën më shumë 300-mijë qytetarë të Bosnjës, e cila luftë kishte filluar pas shpalljes së pavarësisë së Bosnjës nga Jugosllavia.
Agresioni u krye nga Ushtria e Jugosllavisë që udhëhiqej nga Serbia, në mbështetje të serbëve të Bosnjës, që synonin ta mbanin nën kontrollin e tyre territorin e BiH-së.
