Botë

“Përkrahësit e Trumpit ishin përgatitur për luftë në Capitol”

“Përkrahësit e Trumpit ishin përgatitur për luftë në Capitol”
Foto: AP
 

Në dëshminë para Kongresit, ish-shefi i Policisë në Capitol, Steven Sund, ka thënë prerazi: “Këta kriminelë kishin ardhur të përgatitur për luftë”. Ndërkaq kapitenia e Policisë në Capitol, Carneysha Mendoza, e përshkroi 6 janarin si “larg më të keq se më e keqja” e të gjitha ditëve të punës së saj. “Mund të kishim dhjetë herë më shumë njerëz që punonin për ne dhe ende besoj se beteja do të ishte po kaq katastrofike”, ka shtuar Mendoza

Duke dëshmuar të martën në seancën e parë dëgjimore në Kongres lidhur me sulmin në ndërtesën e Capitolit në Washington, shefi i Policisë në Capitol, i cili ka dhënë dorëheqjen lidhur me ngjarjen e 6 janarit, ka thënë se turma e mbështetësve të ish-presidentit, Donald Trump, kishte “ardhur e përgatitur për luftë”.

Merrick Garland, i nominuari i presidentit Joe Biden për prokuror të përgjithshëm, është pajtuar me këtë dëshmi.