3 perditesime
15:23

Sulmi vetëvrasës në Bagdad, shkon në 32 numri i të vdekurve

Ka arritur në 32 numri i të vdekurve nga sulmi vetëvrasës me bombë që ndodhi sot në kryeqytetin e Irakut, Bagdad.

Sipas të dhënave zyrtare, numri i personave të plagosur ka shkuar deri në 110, raporton Reuters.

Numri i të vdekurve po vazhdon të rritet pasi një pjesë e madhe e të plagosurve janë në gjendje kritike për jetën.

Sulmi vetëvrasës është kryer nga dy persona në një treg në Bagdad i cili frekuentohet nga shumë njerëz. Ushtria irakiane beson se sulmi është porositur nga Shteti Islamik për të cilin besohet se është riaktivizuar.

Në Bagdad nuk ka pasur asnjë sulm të ngjashëm në tri vitet e fundit.

12:46

Shkon në 28 numri i të vdekurve nga sulmi vetëvrasës në kryeqytetin irakian

Ka shkuar në 28 numri i të vdekurve nga sulmi vetëvrasës që ka ndodhur sot në kryeqytetin e Irakut, Bagdad.

Sipas njoftimeve zyrtare, sulmi është kryer nga dy persona të cilët kanë hedhur vetën në ajër, në një treg të frekuentuar nga shumë njerëz, raporton AP.

Edhe numri i të lënduarve ka arritur në 73 ndërkohë që bëhet e ditur se pjesa më e madhe e të lënduarve janë në gjendje kritike për jetën duke bërë kështu që numri i të vdekurve të mund të rritet edhe më tutje gjatë ditës.

Deri më tani askush nuk ka marrë përgjegjësi për sulmin por sipas ushtrisë irakiane, ky është një sulm i kryer nga Shteti Islamik.

11:16

Shkon në 13 numri i të vdekurve pas një sulmi vetëvrasës në Bagdad

Të paktën 13 persona kanë mbetur të vdekur dhe më shumë se 30 të plagosur nga sulmi vetëvrasës që ka ndodhur në një treg të mbushur me njerëz të enjten në Bagdad.

Përgjegjësia për sulmin nuk është marrë ende por bëhet e ditur se ky veprim është kryer nga dy sulmues të cilët e kanë hedhur vetën në ajër në mesin e shumë njerëzve në kryeqytetin irakian, raporton Reuters.

Sipas të dhënave të Ministrisë së Brendshme, numri i të vdekurve në fillim ishte tre mirëpo tani po shkon duke u rritur pasi pjesa më e madhe e të lënduarve janë në gjendje të rëndë shëndetësore.

Sulmet vetëvrasëse në këtë vend kanë qenë të rralla që nga disfata e Shtetit Islamik në vitin 2017. Sulmi i fundit kishte ndodhur në janar të vitit 2018 duke lënë të vdekur 27 persona.

09:56

Tre të vdekur e 16 të lënduar në një sulm vetëvrasës në Bagdad

Tre persona kanë vdekur dhe 16 janë lënduar në një sulm vetëvrasës që ka ndodhur në kryeqytetin irakian, Bagdad.

Policia ka bërë të ditur se sulmi ka ndodhur në një treg të mbushur me njerëz, shkruan Reuters.

Sipas Policisë, disa të lënduar janë në gjendje kritike për jetën.