Botë

Rrëzohet një helikopter ushtarak në New York, tre ushtarë të vdekur

Tre anëtarë të Gardës Kombëtare kanë humbur jetën të mrëkurën gjatë një fluturimi stërvitor me një helikopter ushtarak, shkruan agjencia AP.

Helikopteri u rrëzua në një fushë në perëndim të New Yorkut, rreth orës 18:30 me kohë lokale.

Rrethanat e rrëzimit të helikopterit UH-60 Black Hawk, po hetohen. Administrata Federale e Aviacionit ka thënë se do të marrë pjesë në hetime.

Guvernatori i New Yorkut, Andrew Cuomo, ka thënë se flamujt do të ulen në gjysmë-shtizë në ndërtesat shtetërore të enjten për të nderuar viktimat.

Raportohet se nuk pati të mbijetuar nga rrëzimi i helikopterit.