Botë

Bideni, presidenti i unitetit dhe lidershipit amerikan në botë

Bideni, presidenti i unitetit dhe lidershipit amerikan në botë
Fotot: AP/Reuters
 

“Duhet t’i japim fund kësaj lufte civile – të kuqes ndaj të kaltrës, rurales kundruall urbanes, konservatores përballë liberales”, ka thënë Bideni në adresimin 21-munutësh të inaugurimit në Capitol të Washingtonit. “Mund ta bëjmë këtë, po qe se hapim shpirtin, e jo nëse i mbyllim zemrat, në rast se tregojmë pak tolerancë dhe njerëzi, dhe nëse jemi të gatshëm të vihemi në pozitën e njëri-tjetrit, siç do të thotë nëna ime, vetëm për një moment”

Washington, 20 janar (Reuters) – Joseph Robinette Biden Jr. ka bërë betimin të mërkurën si presidenti i 46-të i Shteteve të Bashkuara të Amerikës, duke e marrë detyrën në kohën më të ndjeshme ekonomike dhe shëndetësore e krizave politike, me premtimin për të kërkuar unitet pas katër vjetëve të trazuar që e rrënuan shpirtin amerikan.

Me dorën e djathtë vendosur mbi Biblën që familja e tij e kishte në posedim për 128 vjet, Bideni recitoi betimin 35-fjalësh për ta “ruajtur dhe mbrojtur Kushtetutën”, në një ceremoni të administruar nga kryeprokurori i Gjykatës Supreme, John G. Roberts Jr.