Ka shkuar në 73 numri i të vdekurve nga tërmeti i fuqishëm që goditi Indonezinë të premten, ka bërë të ditur Agjencia për zbutjen e katastrofave të Indonezisë.
Më shumë se 820 njerëz kanë mbetur të lënduar dhe rreth 28 mijë janë larguar nga shtëpitë e tyre pasi tërmeti prej 6,2 shkallë të Rihterit goditi provincën e Sulawesit, shkruan Reuters.
Policia dhe forcat ushtarake janë vënë në lëvizje për të parandaluar plaçkitjet në shumë pjesë të rajonit ku ka ndodhur tërmeti.
Sipas autoriteteve vendore, një tërmet i ri në këtë pjesë të Indonezisë do të shkaktonte edhe cunami.
-
17 janar 2021 10:45
-
Shpërndaje në: