Botë

Dhunë në Washington, “kryengritje” e përkrahësve të Trumpit

Foto: Reuters

Presidenti i zgjedhur amerikan, demokrati Joe Biden, i cili e mposhti presidentin republikan në zgjedhjet e 3 nëntorit dhe që pritet të marrë detyrën më 20 janar, ka thënë se aktiviteti i protestuesve “kufizohet me kryengritje”. Ish-nënpresidenti amerikan, duke i numëruar pamjet e demonstruesve që bastisnin Kongresin, thyenin dritare, okuponin zyra, zaptonin korridore dhe kërcënonin sigurinë e zyrtarëve të zgjedhur demokratikisht, ka thënë: “Kjo nuk është protestë, është kryengritje”

 

Presidenti i zgjedhur amerikan, demokrati Joe Biden, i cili e mposhti presidentin republikan në zgjedhjet e 3 nëntorit dhe që pritet të marrë detyrën më 20 janar, ka thënë se aktiviteti i protestuesve “kufizohet me kryengritje”. Ish-nënpresidenti amerikan, duke i numëruar pamjet e demonstruesve që bastisnin Kongresin, thyenin dritare, okuponin zyra, zaptonin korridore dhe kërcënonin sigurinë e zyrtarëve të zgjedhur demokratikisht, ka thënë: “Kjo nuk është protestë, është kryengritje”

Washington, janar (Reuters) – Me të shtëna armësh dhe gaz lotsjellës policia është përpjekur që ta lirojë ndërtesën e Kongresit në Washington të Shteteve të Bashkuara të Amerikës, pasi që me qindra protestues e bastisën godinën dhe u zotuan që ta shtrëngojnë Dhomën për ta përmbysur humbjen zgjedhore të presidentit Donald Trump, në kohën kur ligjvënësit ishin mbledhur për ta certifikuar fitoren e presidentit të zgjedhur, Joe Biden.