Presidenti i Turqisë, Tayyip Erdogan, ka deklaruar se vendi i tij e sheh vetën si pjesë të pandashme të Evropës, pavarësisht sulmeve ndaj tyre.
Këto deklarime Erdogani i bëri të dielën ku shtoi se ndaj Turqisë po bëhen sulme dhe standarde të dyfishta.
“Ne e shohim veten si një pjesë e pandashme e Evropës. Megjithatë, kjo nuk do të thotë që ne do të përkulemi ndaj sulmeve të hapura ndaj vendit dhe kombit tonë, padrejtësive dhe standardeve të dyfishta”, ka thënë ai, transmeton Reuters.
Lidhur me tensionet mes Turqisë dhe Greqisë, Erdogani ka deklaruar se nuk kanë probleme me vendet apo institucionet që nuk mund t’i zgjidhin paqartësitë përmes dialogut dhe negociatave.
Ai ka shtuar BE-ja duhet t’i mbajë premtimet e saj në lidhje me çështjen e emigrantëve dhe për bërjen e Turqisë anëtare të plotë të bllokut.
Në anën tjetër, shefi i politikës së jashtme të BE-së, Josep Borrell, ka deklaruar këtë muaj se retorika e Turqisë mbi Qipron po përkeqëson tensionet me BE-në dhe Ankaraja duhet të kuptojë se sjellja e saj, po rrit mundësitë e ndarjes së saj nga blloku.
-
Erdogani thotë se mund t’i ndajë rrugët me BE-në
-
Erdogan: Turqia mund t’i kapërcejë ndarjet gjeopolitike
-
Erdogani uron Kosovën, thotë se i jep mbështetje të palëkundur
-
Erdogani kundërshton idenë e një shteti të vetëm të Qipros
-
Erdogani fajëson Izraelin për përshkallëzimin e krizës në Lindjen e Mesme