Botë

Vaksina e Oxfordit për COVID-19 me rezultate premtuese edhe te të moshuarit

Vaksina e Oxfordit për COVID-19 me rezultate premtuese edhe te të moshuarit
Foto: Reuters
 

Vaksina potenciale për COVID-19 e AstranZenacas dhe Universitetit të Oxfordit, ka prodhuar një reagim të fortë të sistemit imunitar te të moshuarit, sipas të dhënave të publikuara të enjten, ndërsa hulumtuesit presin publikimin e rezultateve të fazës finale të testimit në kohën e Krishtlindjeve, raporton agjencia Reuters.

Të dhënat, të raportuara pjesërisht muajin e kaluar, por të publikuara plotësisht në revistën “The Lancet” sot, kanë sugjeruar se personat të moshës mbi 70 vjet, që janë në rrezik më të lartë të infektimit serioz dhe vdekjeve nga COVID-19, po ndërtojnë një imunitet të fortë falë vaksinës.