Botë

Sulmuesi shqiptar në Vjenë veproi i vetëm, fqinjët e njihnin si djalë të urtë

Sulmuesi shqiptar në Vjenë veproi i vetëm, fqinjët e njihnin si djalë të urtë

Në fund të vitit 2018, shteti i Austrisë ishte në dijeni se 320 shtetas të saj ishin përfshirë ose synonin të merrnin pjesë në xhihadin e Sirisë dhe Irakut. Nga mesi i tyre 58 kanë vdekur, ndërsa 93 janë kthyer në Austri. 62 të tjerëve u ishte pamundësuar ikja nga shteti

Video-provat kanë konfirmuar se shqiptari nga Maqedonia Veriore, i cili ka lënë katër të vrarë në sulmin e së hënës në qendër të Vjenës, ka vepruar i vetëm.

Mirëpo ministri i Punëve të Brendshme, Karl Nehammer, ka thënë të mërkurën se ka pasur një problem me mënyrën e menaxhimit të informacioneve që kishte ofruar Sllovakia, pasi që sulmuesi kishte tentuar të blinte armatim në shtetin fqinj. Ai ka paralajmëruar formimin e një komisioni të pavarur për të hetuar punën e Agjencisë së Inteligjencës së Austrisë.