Botë

Franca vendos të kthehet te mbyllja për ta frenuar përhapjen e koronavirusit

Franca vendos të kthehet te mbyllja për ta frenuar përhapjen e koronavirusit
Foto: Reuters

Presidenti i Francës, Emmanuel Macron, ka prezantuar sot masat e reja të ashpra në luftën kundër koronavirusit.

“Sot kam vendosur se duhet të kthehemi te mbyllja që e stopoi virusin. Kjo vlen për gjitha territoret tona nacionale, me përjashtim të disa modifikimeve për rajone dhe territore që janë jashtë vendit. Si në pranverë, do të jeni në gjendje të dilni nga shtëpia vetëm për të punuar, për ndonjë vizitë mjekësore, për t’i ofruar asistencë dikujt të afërt, për të bërë blerjet esenciale dhe për të ushtruar afër shtëpisë suaj. Kjo mbyllje do të jetë ndryshe në tri çështje kryesore: shkollat do të mbesin hapur, puna do të vazhdojë, shtëpitë e kujdesit dhe të moshuarve mund të vizitohen”, ka deklaruar Macron, raporton agjencia Reuters.