Botë

Në Hungari regjistrohet rekord ditor i rasteve me koronavirus – 3149

Në Hungari është regjistruar rekord ditor i rasteve me koronavirus. Në 24 orët e fundit në Hungari janë regjistruar 3149 raste të reja, që është shifra më e lartë që nga fillimi i pandemisë, njofton agjencia Reuters.

Sipas të dhënave të Qeverisë së Hungarisë është hera e parë që shifra ditore e rasteve të reja me koronavirus kalon atë 3000.

Numri total i rasteve të konfirmuara me koronavirus në Hungari ka arritur në 59.247, ndërsa i të vdekurve në 1425. Në 24 orët e fundit janë raportuar 35 raste të vdekjes.

Në Republikën e Çekisë kanë vazhduar të regjistrohen shifra të larta me koronavirus. Në 24 orët e fundit janë regjistruar 12.472 raste të reja, që është shifra më e lartë për një ditë fundjave, ku zakonisht testohen më pak persona.

Numri total i të infektuarve ka arritur në 250.797, ndërsa i të vdekurve është rritur për 106 duke arritur në 2077.

Në Rusi janë regjistruar 16.710 raste të reja me koronavirus, duke çuar totalin e të infektuarve në 1.513.877.

Kanë vdekur 229 persona nga COVID-19 në 24 orët e fundit, ndërsa shifra zyrtare e të vdekurve ka arritur në 26.050.