Botë

Sllovakia shënon rekord të infektuarish ditor me koronavirus – 2.581

Sllovakia është bërë shteti i radhës që ka shënuar këto ditë rekord të infektuarish me koronavirus.

Të premten, autoritetet shëndetësore të këtij vendi njoftuan se në 24 orët e fundit janë shënuar 2.581 raste me COVID-19.

Ky është numri më i madh që nga fillimi i pandemisë, ka thënë sot në parlament kryeministri sllovak, Igor Matovic.

Sipas agjencisë TASR, kanë vdekur 19 pacientë si pasojë e COVID-19 në 24 orët e fundit.

Deri më tash, në Sllovaki janë shënuar 37.911 të prekur me COVID-19, ndërkohë kanë vdekur 134.