Polonia, Çekia dhe Sllovakia kanë regjistruar rekorde ditore të rasteve me koronavirus. Polonia sot ka raportuar për 10.040 raste të reja me koronavirus.
Këshilltari qeveritar në luftën kundër COVID-19, Andrzej Horban, ka thënë se 10 mijë raste në ditë do të mbingarkojnë sistemin shëndetësorë, pasi po shtrihen deri 2000 pacientë në ditë në spitale.
Deri të mërkurën, numri i pacientëve në spitale në Poloni arriti në 9439, ndërsa 757 janë në ventilatorë, shkruan agjencia Reuters.
Çekia ka raportuar për 11.984 raste të reja me koronavirus, që është shifra më e lartë e regjistruar që nga fillimi i pandemisë. Po ashtu në 24 orët e fundit kanë vdekur 106 pacientë si pasojë e COVID-19, ndërsa ka çuar shifrën totale të vdekurve në 1619.
Si pasojë Çekia ka urdhëruar mbylljen e shumicës së shitoreve dhe reduktimin e shërbimeve dhe po ashtu ka limituar lëvizjet në vetëm ato esenciale si shkuarjen në punë dhe për vizita mjekësore.
Zëvendëskryeministri i Çekisë, Jan Hamacek, që është edhe ministër i Brendshëm, ka rezultuar pozitiv me koronavirus.
Në Sllovaki ndërkohë janë regjistruar 2202 raste të reja me koronavirus. Shifr totale e të infektuarve është rritur në 33.602.
-
21 tetor 2020 12:37
-
Shpërndaje në: