Organizata Botërore e Shëndetësisë (OBSH) ka premtuar se do të hetojë pretendimet se punonjësit humanitarë që po luftonin përhapjen e Ebolas në Republikën Demokratike të Kongos, kishte abuzuar seksualisht dhe shfrytëzuar gratë atje, njofton agjencia Reuters.
Stafi i OBSH-së dhe i agjencive tjera humanitare është akuzuar nga 50 gra, në një hetim të përbashkët nga dy agjenci.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoGratë vendase dyshohet se kanë dehur gratë, u kanë zënë pritë në spitale, i kanë detyruar për marrëdhënie seksuale, ndërsa dy nga to kanë ngelur shtatzënë.
Pretendimet mbulojnë periudhën mes vitit 2018 dhe marsit të këtij viti.
Agjencia e lajmeve “The New Humanitarian” dhe ajo “Thomson Reuters Foundation” kanë bërë një hulumtim afro njëvjeçar.
OBSH-ja ka thënë se do të hetojë këto hetime.
“Të gjithë që del se janë përfshirë do të mbahen përgjegjës dhe do të përballen me pasoja serioze, përfshirë edhe përjashtimin e menjëhershëm”, thuhet në komunikatë të OBSH-së. “Tradhtia e besimit të njerëzve në komunitete ku shërbejmë është i dënueshëm”.
Më tepër se 2000 persona kanë vdekur nga Ebola në RD Kongo. OBSH-ja e deklaroi fundin e Ebolas në qershor të këtij viti.
Kombet e Bashkuara dhe organizatat humanitare më herët kishin premtuar zero tolerancë për abuzime seksuale pas pretendimeve të ngjashme ndaj stafit të tyre në shtetet tjera.