Botë

Putin i jep Bjellorusisë 1.5 miliard dollarë hua

 

Presidenti rus Vladimir Putin i dha një hua prej 1.5 miliardë dollarësh të hënën Bjellorusisë në shenjë mbështetjeje për udhëheqësin e saj të kërcënuar, Alexander Lukashenko, pas disa javë demonstrimesh në rrugët e Minskut nga protestues që e kanë akuzuar atë për manipulim të zgjedhjeve të muajit të kaluar për të mbajtur pushtetin.

Të dy udhëheqësit u takuan në vendpushimin rus të Soçit në Detin e Zi për për gati katër orë. Putini dha disa detaje në lidhje me huanë, megjithëse Kremlini më vonë tha se disa nga fondet e reja do të përdoren për të rifinancuar huatë e mëparshme. Rusia gjithashtu tha se të dy presidentët kishin rënë dakord për të rritur bashkëpunimin tregtar dhe diskutuan furnizimet e energjisë.