Botë

Turistët britanikë po ikin me shpejtësi nga Kroacia

Turistë të shumtë britanikë janë parë sot teksa largohen nga bregdeti kroat, vetëm një ditë pasi Qeveria britanike vendosi të fusë Kroacinë në listën e kuqe të rrezikshmërisë për shkak të numrit të madh të rasteve me COVID-19.

Britanikët që ndodhen në Kroaci kanë afat të kthehen deri të shtunën pa pasoja, më pas secili duhet të vetizolohet për 14 ditë.

Sot në Kroaci është raportuar numër rekord i të infektuarve, 265, derisa ka vdekur një pacientë si pasojë e COVID-19.

Në total, në Kroaci janë shënuar 7.594 raste dhe 169 të vdekur nga koronavirusi.

Ministri i Shëndetësisë i këtij vendi Vili Berosh, ka thënë se kjo është pasojë e hapjes për turistët e huaj, shkruan index.hr të premten.

{gallery}