Botë

Brukseli e bën obligative mbajtjen e maskave në gjithë hapësirat publike

Brukseli e bën obligative mbajtjen e maskave në gjithë hapësirat publike
Foto: Reuters

Mbajtja e maskës është bërë obligative në gjithë hapësirat publike në kryeqendër të Belgjikës, Bruksel, nga sot, pas rritjes së rasteve me COVID-19 në vend, shkruan agjencia Reuters.

Brukseli, ku e kanë selinë Bashkimi Evropian dhe NATO, ka regjistruar mesatarisht nga 50 raste për 100 mijë banorë gjatë javës së kaluar.

Të gjithë në qytet, që ka popullatë rreth 1.2 milionë, tash duhet të mbajnë maska në park, në rrugë dhe vendet tjera publike, si dhe në hapësirat private që janë të qasshme për publikun, është thënë nga autoritetet e qytetit.