Botë

Mattis: Trumpi përbën rrezik për Kushtetutën

Mattis: Trumpi përbën rrezik për Kushtetutën

James Mattis, gjenerali me nam i Marinës amerikane që në dhjetor të 2018-s ishte dorëhequr si Sekretar i Mbrojtjes, në shenjë proteste ndaj politikave në Siri të Donald Trumpit, ka qenë që nga ajo kohë i heshtur rreth punës së Trumpit si president.

Sidoqoftë, tani ai e ka thyer heshtjen, shkruan gazeta amerikane “The Atlantic”. Ai ka bërë kritika të ashpra në adresë të të parit të SHBA-së, të cilin e ka qortuar për përçarjen e popullit dhe e ka akuzuar se Ushtrinë amerikane e ka urdhëruar t’i shkelë të drejtat kushtetuese të qytetarëve amerikanë.