Botë

Kina ia fshehu OBSH-së të dhënat për virusin

Kina ia fshehu OBSH-së të dhënat për virusin
Foto: Reuters

Organizata Botërore e Shëndetësisë nuk ia kishte dalë të siguronte të dhënat e nevojshme nga Kina gjatë ditëve të para kritike të pandemisë së virusit korona, mësohet nga të dhënat e brendshme që vënë në kundërthënie lavdërimin publik të organizatës për mënyrën e menaxhimit të krizës nga shteti komunist.

Të dhënat që i ka siguruar Agjencia amerikane e lajmeve AP tregojnë se zyrtarët ishin ankuar në takimet e javës së parë të janarit se Pekini nuk po ndante të dhënat e nevojshme për vlerësimin e rrezikut të virusit. Kina nuk e kishte njoftuar pjesën tjetër të botës për zhvillimet e atëhershme. Dhe deri më 20 janar nuk kishte konfirmuar se koronavirusi po përhapej me të madhe dhe se vetëm më 30 janar OBSH-ja e kishte shpallur emergjencën globale.