Botë

Shkon në 25 numri i të infektuarve me koronavirus në Maqedoninë Veriore

Shkon në 25 numri i të infektuarve me koronavirus në Maqedoninë Veriore

Pesë raste të reja me koronavirus janë regjistruar në Maqedoninë e Veriut duke e çuar në 25 numrin e përgjithshëm të të infektuarve me Covid-19.

Ministri i Shëndetësisë, Venko Filipçe, tha se 4 nga të infektuarit janë nga Dibra dhe 1 nga Shkupi. Testimet janë bërë edhe për tre persona të tjerë, por ato kanë dalë me rezultate negative. Dy persona të tjerë janë testuar në një klinikë private dhe besohet të jenë pozitiv, por nuk merren si numra zyrtarë pa u konfirmuar nga Instituti i Shëndetit Publik dhe Klinika Infektive. Mbi 30 të tjerë janë vendosur në izolim shtëpiak.