Italia në karantinë, 366 të vdekur e 7375 të prekur nga koronavirusi Foto: Reuters

Italia në karantinë, 366 të vdekur e 7375 të prekur nga koronavirusi

09 March 2020 09:47

16 milionë persona në Itali ndodhet në karantinë, teksa vendi po lufton kundër përhapjes së koronavirusit.

Deri më tani raportohet se 366 persona kanë humbur jetën, ndërsa numri i të prekurve është 7375.

Banorët në 15 provinca qendrore dhe veriore të Italisë duhet të marrin leje për të udhëtuar, transmeton Shqip raportimin e mediave italiane. Milano dhe Venediku janë tashmë të përfshira nga ky virus.

Shkollat, palestrat, pishinat dhe qendrat e skive do të mbyllen tërësisht si dhe të gjitha ngjarjet publike do të anulohen, tha kryeministri Giuseppe Conte. Këto masa të jashtëzakonshme do të zgjasin deri më 3 prill.

Javën e kaluar, qeveria ka njoftuar për mbylljen e të gjitha shkollave dhe universiteteve për 10 ditë. Italia është vendi më i prekur në Europë nga virusi.

© KOHA. Të gjitha të drejtat janë të rezervuara.

Komentet

Shto koment

Të ngjashme