Botë

100 vjet para koronavirusit, gripi spanjoll la së paku 50 milionë të vdekur

Foto: Getty Images
 

Njëqind vjet më parë bota po rikuperohej nga një luftë botërore që kishte mbytur rreth 20 milionë njerëz dhe papritmas u desh të përballej me diçka edhe më të rëndë: shpërthimi i një virusi.

Pandemia, e njohur si gripi spanjoll, mendohet të ketë nisur në kampet ushtarake të Frontit Perëndimor. Higjiena e dobët ndikoi që të zhvillohej e të shpërndahej ky grip. Lufta përfundoi në nëntor të 1918-s, por me t’u kthyer nëpër shtëpi ushtarët, ata bartën edhe virusin me vete, duke shkaktuar edhe më shumë humbje jetësh: mes 50 dhe 100 milionë njerëz mendohet të kenë vdekur.