Tribunali i Hagës ka përgënjeshtruar lajmin për vdekjen e Ratko Mlladiqit. Në një deklarim për mediumin N1, nga Tribunali është bërë e ditur se i akuzuari për krime lufte është gjallë.
"Informatat për vdekjen e Ratko Mlladiqit nuk janë të sakta dhe i demantojmë”, ka thënë për N1, zëdhënësja e Helena Eglston, transmeton Koha.net.
Ajo ka refuzuar të flasë për gjendjen shëndetësore të Mlladiqit.
"Gjendjen shëndetësore të të burgosurve nuk e komentojmë”, ka thënë Eglston.
Lajmi për vdekjen e Mladiqit u dha në rrjete sociale nga ministrja e punëve të jashtme e Bosnje e Hercegovinës, Bisera Turkoviq.
Mlladiq është duke pritur fillimin e procesit ankimues, i cili pritet të mbahet më 17-18 mars.
Mlladiq është dënuar nga shkalla e parë e Tribunalit me dënim të përjetshëm për 10 nga 11 pika të aktakuzës.
Megjithatë, ai është liruar nga akuza për gjenocid në Srebrenicë.
Çka e dallon Tribunalin e Hagës me Gjykatën Speciale
Abrahams: Aktakuza ndihmoi rrëzimin e murit të mosndëshkimit të diktatorëve
Kurti për televizionin serb N1: Në qeverinë time do të ketë ministër të përkrahur nga Lista Serbe, por jo si pjesë e koalicionit
