Botë

Fondacioni “Gates” zoton 100 milionë dollarë për të luftuar koronavirusin

Fondacioni “Gates” zoton 100 milionë dollarë për të luftuar koronavirusin

Fondacioni “Bill & Melinda Gates” po i shton përpjekjet për të luftuar koronavirusin e përhapur nga Wuhani i Kinës me një zotim substancial – 100 milionë dollarë për të ndihmuar në detektimin, mospërhapjen dhe trajtimin e të ashtuquajturit virus 2019-nCoV.

“Shpresojmë se këto resurse do të ndihmojnë në katalizimin e një reagimi të shpejtë dhe të efektshëm ndërkombëtar. Ky reagim duhet të udhëhiqet nga shkenca e jo nga frika, dhe duhet ndërtuar mbi hapat që Organizata Botërore e Shëndetësisë i ka ndërmarrë deri më tani”, ka thënë CEO i “Gates Foundation”, Mark Suzman, në një deklaratë, shkruan “Fortune”.