Trumpi prezanton planin për paqe në Lindjen e Mesme

Trumpi prezanton planin për paqe në Lindjen e Mesme

28 January 2020 22:54

Presidenti amerikan Donald Trump ka prezantuar planin e tij për paqe në Lindjen e Mesme.

Në një konferencë për media bashkë me kryeministrin izraelit, Benjamin Netanyahu, Trumpi ka thënë se marrëveshja është fitore si për izraelitët ashtu edhe për palestinezët.

Ai ka propozuar që të krijohet një shtet palestinez me sovranitet të kufizuar e me kryeqytet Jerusalemin Lindor. Trump ka thënë se SHBA-ja do t’i njohë kolonitë izraelite në Bregun e okupuar Perëndimor dhe në këmbim të kësaj, shteti hebraik duhet të pranojë ngrirjen katërvjeçare të ndërtimit të kolonive të reja derisa shtetësia palestineze të negociohet. Përpos njohjes së Jerusalemit si kryeqytet të pandarë të Izraelit, plani i Trumpit e parasheh edhe njohjen e luginës së Jordanit, që përbën rreth një të tretën e Bregut të okupuar Perëndimor, si pjesë të Izraelit. Ndërkaq, përbrenda shtetit të ardhshëm palestinez nuk e nënkupton edhe ekzistencën e një ushtrie palestineze, por kontrollin e zgjeruar të forcave izraelite të sigurisë mbi disa rajone, përfshirë detet. Disa pjesë të shkretëtirës përreth kufirit me Egjiptin kësisoj do të njihen si pjesë e shtetit palestinez, por palestinezëve do t’iu refuzohet “e drejta e kthimit” në shtëpitë e humbura gjatë konfliktit me Izraelin, transmeton Koha Ditore.

“Siç e kam parë gjatë karrierës sime të gjatë si ‘marrëveshje-bërës’, problemet komplekse kërkojnë ‘shërime’ të reja dhe bazuar në fakte. Kjo është arsye se pse propozimi ynë mundëson zgjidhje precize taktike për t’i bërë izraelitët, palestinezët dhe regjionin më të sigurt dhe shumë më të përparuar. Vizioni im prezanton një mundësi ‘fitore-fitore’ për të dy palët një zgjidhje reale me dy shtete që zgjidh rrezikun e shtetësisë palestineze ndaj sigurisë së Izraelit. Sot Izraeli po e ndërmerr një hap të madh drejt paqes. Dje kryeministri Netanyahu më informoi se ai do ta mbështesë vizionin si bazë për negociata direkte me palestinezë dhe dua te them se edhe gjenerali Gantz gjithashtu e ka mbështetur atë fuqishëm. Një arritje historike”, ka thënë Trumpi.

© KOHA. Të gjitha të drejtat janë të rezervuara.

Komentet

Shto koment

Të ngjashme