Gjashtë të vdekur e disa të lënduar nga të shtënat në masë në Gjermani Foto: Reuters

Gjermani, vrau prindërit dhe katër pjesëtarë tjerë të familjes

24 January 2020 15:41
18:17

Një burrë 26-vjeçar qëlloi për vdekje prindërit e tij dhe katër pjesëtarë të familjes së tij me një armë gjysmëautomatike në jugperëndim të Gjermanisë para se të telefononte policinë e t’i priste për ta arrestuar, kanë thënë të premten autoritetet.

Burri, shtetas gjerman, që kishte licencë për qitje sportive, u ndalua dhe do të merret në pyetje porsa të mbërrijë avokati i tij, ka thënë shefi i policisë lokale, Reiner Moeller, raporton Reuters.

“Në shtëpi dhe prapa saj, gjashtë persona u gjetën të vdekur, tre burra të moshave 36, 65 dhe 69-vjeç, dhe tri gra të moshave 36, 56 dhe 62-vjeçe”, ka thënë Moeller, duke shtuar se dy prej të vdekurve ishin prindërit e të dyshuarit, transmeton Koha.net.

Dy të tjerë u plagosën, njëri nga ta është në gjendje kritike, si dhe dy fëmijë të moshave 12 dhe 14 vjeçe, u kërcënuan por nuk u lënduan fizikisht, ka thënë ai.

“Ende nuk e dimë motivin, por supozojmë se ka qenë një problem në familje, sepse, siç kemi mësuar, të gjithë ishin në marrëdhënie familjare”, tha ai.

Policia gjeti burrin duke pritur para shtëpisë, një pub ku disa prej anëtarëve të familjes së tij kanë jetuar.

Incidenti ndodhi në orën 12.45 sipas kohës lokale afër një ndërtese në qytetin Rot am See në shtetin federal të Baden-Wuerttembergut. Rot am See ndodhet rreth 135 kilometra në juglindje të Frankfurtit.

15:41

Gjashtë të vdekur e disa të lënduar nga të shtënat në masë në Gjermani

Të paktën gjashtë persona kanë vdekur e disa të tjerë janë lënduar nga të shtënat në masë që kanë ndodhur në qytetin jugperëndimor të Gjermanisë, Rot am See, ka konfirmuar policia, raporoton The Associated Press.

I dyshuari është arrestuar menjëherë pas këtyre të shtënave, transmeton Koha.net.

Rasti ka ndodhur rreth orës 12:45 në afërsi të stacionit të trenit.

Policia thotë se nuk dyshohet për persona të tjerë.

“Sipas informacioneve të mia gjashtë persona janë vrarë e disa janë lënduar”, ka thënë zëdhënësi i Policisë, Rudolf Biehlmaier. “Jemi duke punuar për të verifikuar se ky ishte sulmuesi i vetëm”.

Biehlmaier ka shtuar se i dyshuari, me shtetësi gjermane, dhe një apo më shumë nga viktimat e njihnin njëri-tjetrin.

Ai ka shtuar se disa prej viktimave i takojnë të njëjtës familje.

Rot am See është 170 kilometra në veriperëndim të Munichut.

© KOHA. Të gjitha të drejtat janë të rezervuara.

Komentet

Shto koment

Të ngjashme