Vriten dy punëtorë turq nga një sulm me bombë në Somali Foto: Reuters

Vriten dy punëtorë turq nga një sulm me bombë në Somali

18 January 2020 16:41

Të paktën dy persona janë vrarë dhe më shumë se 20 të tjerë janë plagosur pas një sulmi vetëvrasës me bombë, që ndodhi në kryeqytetin e Somalisë.

Sulmi ndodhi në afërsi të një kantieri ndërtimi përgjatë një autostrade jashtë kryeqytetit Mogadishu.

Autoritetet thonë se gjashtë shtetas turq janë në mesin e të lënduarve.

Policia somaleze tha se punëtorët ndërtimorë turq, ishin duke punuar, në momentin kur shpërtheu bomba.

Shumica e viktimave ishin policë, të cilët po ruanin vendin ku punëtorët turq po punonin në ndërtimin e autostradës ndërmjet Mogadishut dhe qytetit Afgoye.

Përgjegjësinë për sulmin e mori grupi ekstremist al-Shabab./Rel

Komentet

Shto koment

Të ngjashme