Botë

Talibanët kanë vrarë 20 policë në Afganistan

Së paku 20 policë afganë janë vrarë dhe 15 të tjerë janë plagosur sot herët në mëngjes, kur militantët talibanë i kanë sulmuar disa pika të sigurisë së policisë në provincën e trazuar jugore, Zabul, kanë thënë zyrtarët.

Zyrtarët lokalë i kishin thirrë stacionet televizive afgane për të kërkuar ndihmë, pasi nuk kishin mundur të kontaktojnë me autoritetet e larta, duke theksuar moskoordinimin në radhët e niveleve të sigurisë.