Arrestohet 22-vjeçari që akuzohet për 12 vepra terrorizmi në Britani

05 December 2019 19:52

Një 22-vjeçar është akuzuar për 12 vepra terrorizmi në Britani. Andrew Dymock u arrestua në qytetin Bath, pas hetimit nga policia kundër terrorizmit për aktivitetet e dyshuara në internet

Dymock ishte përkrahës i madh i ekstremit të djathtë.

Akuzat përfshijnë pesë vepra të nxitjes së terrorizmit, transmeton KTV. Ai gjithashtu është akuzuar për katër vepra penale për përhapjen e publikimeve terroriste, dy akuza të mbledhjes së fondeve për qëllime terroriste dhe një akuzë të posedimit të materialit që mund të përdorët nga një terrorist.

Autoritetet britanike të sigurisë po kritikohen për masat e tyre ndaj terrorizmit.

Së fundmi, BBC raportoi se terroristi i London Bridge, Usman Khan, mori pjesë në dy programe kundër-terrorizmit, që nuk janë testuar plotësisht për të parë nëse ato janë efektive.

© KOHA

Komentet

Shto koment

Të ngjashme