Bangladeshi dënon me vdekje shtatë persona për sulmin e vitit 2016

Shtatë persona janë dënuar me vdekje për sulmin e vitit 2016 në një restorant në kryeqytetin e Bangladeshit, në të cilën u vranë 22 persona, kryesisht të huaj.

Sulmi ndaj restorantit Holey Artisan në Dhaka u krye nga grupi prej pesë burrash, të cilët i morën peng të pranishmit, transmeton KTV. Tetë persona dolën në gjyq, të akuzuar për planifikimin dhe furnizimin me armë të sulmuesve, ndërsa njëri prej tyre u lirua.