Botë

Me thirrje “Vdekje Amerikës”, Irani shënon 40 vjetorin e pushtimit të ambasadës amerikane në Teheran

Me thirrje “Vdekje Amerikës”, Irani shënon 40 vjetorin e pushtimit të ambasadës amerikane në Teheran

Me mijëra iranianë kanë thirrur “Vdekje Amerikës” afër ambasadës së vjetër të SHBA-së të hënën, që shënon edhe 40 vjetorin e pushtimit të misionit dhe një ditë pasi lideri suprem i Iranit u zotua se nuk do të heq ndalesën për bisedime me SHBA-në.

Televizioni shtetëror shfaqi turma nëpër rrugët përreth ish-ndërtesës së misionit amerikan, ndërtesë kjo që u quajt “çerdhja e spiunëve” pas revolucionit islamik të Iranit më 1979. Marshime dhe tubime u mbajtën në rreth 1,000 komunitete në mbarë vendin, ka raportuar media shtetërore, raporton Reuters.