Mbi 13 mijë policë francezë të mobilizuar për samitin e G7

Mbi 13 mijë policë francezë të mobilizuar për samitin e G7

21 August 2019 09:09

Për sigurinë e G7-s në Biariz (jugperëndim) që zhvillohet këtë fundjavë, janë mobilizuar 13,200 forca policore të mbështetura nga forcat ushtarake, njoftoi ministri i Punëve të Brendshme.

“Ne nuk tolerojmë asnjë veprim të tepruar. Nëse ndodh, ne do t’i përgjigjemi”, shtoi para medias, Christophe Castaner, ndërkohë që po shkonte në këtë qytet bregdetar ku do të mbahet samiti nga 24 deri më 26 gusht. “G7-a -theksoi ministri- është objekt potencial i tre kërcënimeve madhore, duke filluar nga ajo e individëve të dhunshëm të cilët nuk i përziej me manifestuesit paqësorë”.

Ai përmendi gjithashtu kërcënimin terrorist për të cilin një samit ndërkombëtar përbën një shënjestër, ndonëse ai pranoi se për momentin nuk ka asnjë alarm të kësaj natyre, transmeton kp.

Në fund ai foli edhe për kërcënimin kibernetik, duke aluduar për sulme të mundshme nëpërmjet internetit.

Komentet

Shto koment

Të ngjashme