Ndihmës sekretari amerikan i Shtetit, Philip Reeker, viziton Greqinë dhe Maqedoninë e Veriut, njoftoi Departamenti amerikan i Shtetit.
Ai do të qëndrojë në Shkup dhe Athinë më 21 deri më 27 korrik, ku do të takojë zyrtarë qeveritarë, shoqërinë civile dhe udhëheqës biznesi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Në Shkup, Reeker do të takohet me presidentin, Stevo Pendarovski, kryeministrin, Zoran Zaev, ministrin e Jashtëm, Nikola Dimitrov dhe anëtarë tjerë të qeverisë për të diskutuar çështjet dypalëshe dhe rrugën e Maqedonisë së Veriut drejt anëtarësimit në NATO dhe BE”, thuhet në njoftimin e Departamentit të Shtetit, shkruan rel.
Ndërkaq, në Athinë, gjithnjë sipas këtij njoftimi, diplomati i lartë amerikan, do të takohet me ministrin e jashtëm, Nikos Dendias, dhe udhëheqësit e tjerë të qeverisë për të diskutuar çështje thelbësore për marrëdhëniet dypalëshe duke përfshirë tregtinë dhe investimet, bashkëpunimin për sigurinë dhe mbrojtjen, stabilitetin rajonal dhe energjinë.
Marrëveshja historike ndërmjet Shkupit dhe Athinës për çështjen e mosmarrëveshjes dekadëshe për emrin e Maqedonisë së Veriut, është vlerësuar lartë nga administrata amerikane, dhe e njëjta është përdorur edhe si shembull për zgjidhjen e problemeve tjera në rajon.
Kjo marrëveshje i hapi rrugë anëtarësimit të Maqedonisë së Veriut në NATO dhe BE.