Gjendet e vrarë shkencëtarja amerikane e zhdukur para një jave në Kretë

Gjendet e vrarë shkencëtarja amerikane e zhdukur para një jave në Kretë

11 July 2019 11:46

Trupi i një shkencëtareje amerikane është gjetur brenda një bunkeri të Luftës së Dytë Botërore në ishullin grek të Kretës.

Suzanne Eaton, e cila u zhduk më shumë se një javë më parë pasi shkoi për vrap, është mbytur, konfirmoi policia për BBC.

Lexo edhe: Zhduket shkencëtarja amerikane, ndodhej në Kretë për konferencë

Rasti po hetohet si vrasje penale.

59-vjeçarja nga Instituti Max Planck me famë botërore në Gjermani shkoi në ishull për të marrë pjesë në një konferencë.

Ajo u gjet në një terren të ashpër dhe shkëmbor brenda bunkerit të braktisur rreth 10 km larg nga ku u pa për herë të fundit, në Chania ku po mbahej konferenca.

Suzanne u raportua e humbur më 2 korrik dhe filloi një përpjekje e madhe kërkimi.

Gjashtë ditë më vonë, trupi i saj u zbulua nga dy banorë vendas që po eksploronin bunkerin, i përdorur nga nazistët gjatë okupimit të Kretës në Luftën e Dytë Botërore.

Një autopsi mjekoligjore tregoi se shkencëtarja ishte mbytur.

Policia po heton nëse Suzanne Eaton u vra brenda bunkerit apo u zhvendos aty pas ngjarjes.

Faqja e internetit Greek Reporter tha se trupi i saj ishte mbuluar me çarçafë dhe një leckë, duke udhëhequr autoritetet greke në përfundimin se ajo ishte vrarë.

Sipas një zyrtari lokal, zona rreth bunkerit, që shtrihet në veri-perëndim të ishullit, është një vend turistik popullor/oranews.

Komentet

Shto koment

Të ngjashme