Botë

Incident detar me Iranin, përfshihet një anije britanike në gjirin e Hormuzit

Incident detar me Iranin, përfshihet një anije britanike në gjirin e Hormuzit
 

Situata në rajonin e Gjirit është përshkallëzuar sërish me incidentin e fundit që ka përfshirë këtë radhë një anije cisternë britanike. Mjetet lundruese iraniane janë përpjekur ta ndalojnë cisternën përpara se të dëboheshin nga një anije e marinës Mbretërore. HMS Montrose u pozicionua midis tre anijeve të Republikës Islamike dhe cisternës British Heritage përpara se të lëshonte disa paralajmërime verbale.

Veprimin e iranianëve, një zëdhënës i Qeverisë britanike e cilësoi si “në kundërshtim me të drejtën ndërkombëtare”. Por Irani e mohoi përpjekjen e konfiskimit, e kjo në një kohë kur herët kishte kërcënuar të hakmerret për sekuestrimin e njërës prej anije të veta cisternë.