Venezuelasit ikin drejt Kolumbisë me t’u hapur kufiri

09 June 2019 17:52

Një numër i madh i venezuelasve ia ka mësyrë Kolumbisë pak orë pasi presidenti Nicolas Maduro rihapi kufirin me shtetin fqinj, që ishte mbyllur për të mos lejuar hyrjen e ndihmave humanitare.

Pika kufitare në Cucuta, është bërë vend i rëndësishëm për venezuelasit që blinin ushqim matanë kufirit për shkak të krizës së madhe që ka kapluar vendin e tyre, transmeton KTV.

Sipas Kombeve të Bashkuara, katër milionë venezuelas kanë ikur nga shteti për shkak të krizave ekonomike e humanitare.

Kjo krizë është thelluar edhe më shumë në momentin kur Shtetet e Bashkuara vendosën sanksione me qëllim që ta rrëzojnë Maduron dhe të sjellin në pushtet opozitarin Juan Guaido.

© KOHA

Komentet

Shto koment

Të ngjashme