Botë

Trump: SHBA-ja po bën punë të mirë në bisedimet me Kinën

Trump: SHBA-ja po bën punë të mirë në bisedimet me Kinën
 

Presidenti amerikan, Donald Trump, ka thënë të enjten se Shtetet e Bashkuara janë duke bërë punë të mirë në bisedimet për tregti me Kinën dhe se Pekini kërkon që të arrijë marrëveshje me Uashingtonin.

“Kina do të dëshironte shumë që të arrinte marrëveshje me ne. Ne kemi pasur një marrëveshje dhe ata e kanë shkelur atë. Mendoj që nëse do t’iu duhej ta bënin sërish atë që kanë bërë, ata nuk do të vepronin njëjtë”, ka thënë Trump teksa është larguar nga Shtëpia e Bardhë, për të mbajtur një fjalim në Akademinë e forcave Ajrore ushtarake në Kolorado.