Botë

Papa Françesku e bën të detyrueshëm raportimin e abuzimeve seksuale

Papa Françesku e bën të detyrueshëm raportimin e abuzimeve seksuale

Papa Françesku ka lëshuar të enjten një dekret, i cili u kërkon të gjithë priftërinjve dhe murgeshave katolike në botë që t’i raportojnë abuzimet seksuale dhe mbulimet e rasteve të tilla para autoriteteve më të larta kishtare, në masën më të ashpër deri më tani kundër përgjegjësve për skandalin masiv të abuzimeve që e dëmtoi rëndë reputacionin e Kishës.

Dekreti i Papës, i cili përfshinë si abuzimet e fëmijëve ashtu edhe të të rriturve, po ashtu e obligon çdo dioqezë katolike në botë që të krijojë sisteme të thjeshta dhe të qasshme raportimi, duke e garantuar ruajtjen e konfidencialitetit të raportuesit, ka raportuar “Reuters”, transmeton “Koha Ditore”.