Franca refuzon riatdhesimin e shtetasve të vet nga Siria Foto: Reuters / ilustrim

Franca refuzon riatdhesimin e shtetasve të vet nga Siria

24 April 2019 08:46

Gjykata më e fuqishme administrative e Francës të martën refuzoi kërkesat për kthimin në tokën franceze të grave franceze të vendosura në Siri, bashkë me familjet e tyre.

Këshilli i Shtetit refuzoi thirrjet në një deklaratë të shkurtër duke sqaruar se një gjykatës francez nuk mund të marrë vendim të detyrueshëm mbi këtë çështje pasi që përfshin “negociata me autoritete të huaja apo intervenim në një shtet të huaj”, raporton AP.

Gjykata tha se “i refuzon kërkesat për riatdhesim të bëra nga shtetasit francezë dhe për fëmijët e tyre, aktualisht në Siri”, transmeton Koha.net.

Në takimin e këtij muaji të G7-ës në Paris, çështja se si të ballafaqohemi me ekstremistët e dyshimtë dhe familjet e tyre nga shtete Perëndimore që shkojnë në Siri, ka qenë temë bosht. SHBA-ja bëri thirrje që vendet t’i pranojnë prapa qytetarët e tyre dhe t’i vënë para gjykatave, nëse është e nevojshme, por aleatët evropianë në masë të madhe e refuzuan.

Po të martën, avokatja Fehmije Gashi Bytyqi tha se policia dhe prokurorët e Kosovës morën në pyetje 11 gra të riatdhesuara nga Siria si të dyshuara për lidhje me grupet ekstremiste në Siri, por ndaj asnjërës prej tyre ende nuk është ngritur padi.

© KOHA

Komentet

Shto koment

Të ngjashme