Deputetëve të Britanisë së Madhe do t’u kërkohet të votojnë të premten përsëri për Brexitin, por për vetëm një pjesë të marrëveshjes të negociuar me Bashkimin Evropian.
Deklarata politike që mbulon marrëdhëniet e ardhshme të Mbretërisë së Bashkuar me BE-në nuk do të vihet në votim.
Deputetët do të debatojnë për mocionin në ditën kur Britania supozohej ta linte Unionin Evropian, më 29 mars.
Redaktorja e politikës në BBC, Laura Kuenssberg, tha se kryeministrja Theresa May në thelb kishte kërkuar nga deputetët që ta votojnë pjesën e parë të marrëveshjes e cila përcakton largimin e Mbretërisë së Bashkuar duke lënë pjesën tjetër për javët e ardhshme.
