Ministri gjerman Londrës: “Mos na testoni durimin” me paqartësitë rreth Brexitit

Ministri gjerman Londrës: “Mos na testoni durimin” me paqartësitë rreth Brexitit

19 March 2019 11:03

I revoltuar nga mungesa e një vendimi të prerë në Britani të Madhe lidhur me shtegun e shkëputjes së rrugëve me Bashkimin Evropian, ministri gjerman për Evropë, Michael Roth, ka nxitur të martën Londrën zyrtarë që të dalë “më në fund” me propozime konkrete.

Një pakënaqësi të tillë Roth e ka shprehur vetëm një ditë pasi që Brexiti shënoi një kthesë të re kaotike, kur kryetari i Parlamentit britanik vendosi se Qeveria nuk mund ta paraqesë sërish për votim të njëjtin propozim të marrëveshjes së divorcit nga BE-së dhe shtoi se ai duhet të marrë një formë krejtësisht ndryshe, ka raportuar “Reuters”, transmeton “Koha Ditore”.

“Durimi ynë, si Bashkim Evropian, aktualisht po vihet në një sprovë të rëndë”, ka thënë Roth para gazetarëve, në prag të takimi të mëvonshëm me ministrat për Evropë të bllokut. “Mund vetëm t’u bëjë thirrje sërish partnerëve tanë britanikë në Londër që më në fund të dalin me propozime konkrete se si çfarë lloj zgjatje të afatit të Brexitit ata duan”.

Roth tha se synimi kryesor i Gjermanisë është që ta shmangë Brexitin e çrregullt, por shtoi se mund ta pranojë shtyrjen e afatit të paracaktuar të daljes, më 29 mars, vetëm në rast se Londra e mendon qartë opsionin. Shtyrja e afatit përtej muajit qershor do ta nënkuptonte pjesëmarrjen e Britanisë në zgjedhjet për Parlamentin Evropian, ka shtuar ai.

“Të dashur miq në Londër, ju lutem përmenduni. Koha po fluturon”, ka thënë Roth.

© KOHA. Të gjitha të drejtat janë të rezervuara.

Komentet

Shto koment

Të ngjashme