Vdes foshnja e gruas që kërkonte kthimin në Britani nga Siria Foto: DailyMail

Vdes foshnja e gruas që kërkonte kthimin në Britani nga Siria

09 March 2019 09:56

Sekretari britanik Sajid Javid po përballet me kritika pas vdekjes së foshnjes së Shamima Begum në një kamp në Siri. Begum kishte ikur nga Londra për t’iu bashkuar Shtetit Islamik në moshën 15 vjeçare. Ministri Javid ka anuluar nënshtetësinë e saj britanike kur ajo ka kërkuar të rikthehet në Britani.

Familjarët thanë se Britania ka dështuar ta mbrojë foshnjën ndërsa Partia Laburiste tha se vdekja e foshnjës është rezultat i vendimit johuman të sekretarit.

LEXO EDHE: Flet gruaja e një pjesëtari të ISIS-it: S’mund të jetoj përgjithmonë këtu, dua të kthehem në Britani

Një zëdhënës i Qeverisë britanike tha se vdekja e çdo fëmije është tragjike dhe shtoi se Qeveria në vazhdimësi ka këshilluar kundër udhëtimit në Siri dhe do të vazhdojë të mundohet të parandalojë udhëtimin drejt Sirisë.

Begum, që kishte ikur në Siri në vitin 2015 me dy shoqet e saj, ishte gjetur nga një gazetare e Times në një kamp të refugjatëve në shkurt, transmeton rel.

Ajo kishte deklaruar se ka jetuar me burin e saj holandez, pjesëtar i IS-it, dhe ka humbur dy fëmijë për shkak të kushteve të rënda.

Lexo edhe: Britanikja u bashkua me ISIS-in, 19-vjeçares i hiqet nënshtetësia

Pas lindjes së foshnjës së tretë, Jarrah, ajo kishte thënë për BBC se dëshiron të kthehet dhe ta rrisë e qetë foshnjën në Britani.

Foshnja të enjten ndërroi jetë nga pneumonia, sipas një certifikate mjekësore. Ai kishte vetëm tre javë jetë.

Edhe bashkëshorti i saj, kishte kërkuar që të kthehet në Holandë bashkë me gruan dhe djalin, menjëherë pas lindjes së tij.

Komentet

Shto koment

Të ngjashme