Arabia Saudite do të lirojë 850 të burgosur Foto: Reuters

Arabia Saudite do të lirojë 850 të burgosur

20 shkurt 2019 20:24

Riadi zyrtar do të lirojë 850 shtetas të Indisë nga burgjet e tij pas një kërkese nga kryeministri Narendra Modi gjatë vizitës së princit të kurorës Mohammed bin Salman në Nju Delhi, njoftoi sot Ministria e Jashtme e Indisë.

Burgjet saudite mbajnë numrin më të madh të shtetasve të Indisë të burgosur në botë. Që nga janari 2019, 2.224 shtetas të Indisë u burgosën në mbretëri për krime, përfshirë vrasje, rrëmbim, ryshfet, mashtrim, drogë dhe alkool, sipas shifrave të Ministrisë së Jashtme të Indisë.

Rreth 2.7 milionë shtetas të Indisë në Arabinë Saudite formojnë komunitetin më të madh të emigrantëve në mbretëri, ku shumë punojnë me pagë të ulët në sektorë të tillë si ndërtimi, shërbimet vendore dhe shitjet me pakicë, transmeton KP.

Ndryshe, të hënën, Arabia Saudite urdhëroi lirimin edhe të rreth 2.100 të burgosurve pakistanezë nga burgjet, sipas ministrit pakistanez të informacionit.

Komentet

Shto koment

Të ngjashme