Policia në Podgoricë futet në TV A1

Policia në Podgoricë futet në TV A1

29 January 2019 09:43

Podgoricë, 29 janar - Me urdhër të Prokurorisë Speciale Shtetërore të Malit të Zi, dje në Podgoricë është zhvilluar operacioni policor i Inspektoratit për krime ekonomike në hapësirat e televizioni komercial malazez, A1.

Televizioni A1 është në pronësi të kryetarit të grupit "Atlas", Dushko Knezheviq, i cili është në kërkim të Prokurorisë malazeze, për dyshimet se ka qenë në krye të grupit që është marrë me larje parash, evazion fiskal dhe shantazhe.

Grupi "Atlas" njofton se rreth orës 14:00 policia ka hyrë në hapësirat e televizionit.

"Nuk është e qartë se cila është arsyeja zyrtare për bastisjen e policisë, por prapavija është e qartë", thuhet në njoftim.

Knezheviq ditët e fundit është në fokus të opinionit malazez. Ai ndodhet në Londër, prej ku çdo ditë publikon video dhe audio-xhirime në të cilat flet për pretendime të aktiviteteve korruptive të zyrtarëve shtetërorë malazezë dhe institucioneve shtetërore.

Komentet

Shto koment

Të ngjashme